 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Магу вачыма цалаваць –
Пачуеш веяк казытаньне,
Тады ня ціша і ня гладзь,
А нешта дзіўнае паўстане.
Мы будзем радасна ў гульні
Жывую ладзіць вечарынку.
Мой любы, рукі працягні –
Бярэш ня чэрствую скарынку.
Табе дарую каравай
Майго гарачага каханьня.
Мне таямніцы раскрывай
Пачуцьцяў моцы, намаганьня.
I я кладу сьпякотны твар
На далікатнасьць твайго цела.
З маіх павек палае жар,
Цябе цьвяліць я захацела.
Вось пацалунак маіх воч,
Дрымотных веяк казытаньне.
...Пасьпешна адыходзіць ноч,
I на сьвітаньні – разьвітаньне.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
